星星陪媽咪去 Citygate Outlets 行街
其實最主要都係去 Polo 買衫俾星星，諗住遲下影入學相，要買返件四正啲嘅恤衫
除咗 Polo 之外，Burberry、I.T. 同 Shanghai Tang 都有童裝
Lunch 食 Pizza Express，係星星最鐘意食嘅 pizza
專登嗌咗個兒童餐，佢又真係食得哂，平時食媽咪煮啲野又唔見佢咁好胃口 😤
見星星咁乖陪媽咪 shopping，就帶佢去隔黎體育館嘅 playhouse 玩
平日又未到暑假嘅下晝唔係好多人，唔洗排隊就入到
呢個主題係航海歷險，中間有一大隻船，仲有一條有蓋嘅滑梯
可能星星仲細，佢次次見到有蓋嘅滑梯都唔敢 sir，一定要媽咪抱住先肯玩
好在搵到個大哥哥肯同星星玩，仲教佢打功夫
星星又好似聽得明哥哥講咩，會配合吓扮跌低，轉個頭又起身再打過 😂
－
地址：東涌文東路 39 號東涌巿政大樓二樓（係 Outlet 北面行五分鐘就到）
No comments:
Post a Comment