2y3m
星星第八個 K1 interview，10:30am interview
今日星星有啲唔舒服，食咗藥個人呆吓呆吓，希望冇影響佢表現啦
入到去家長著鞋套，係室內 playground 度玩咗陣，聽到嗌名就入課室
有六個小朋友分別係唔同枱度玩玩具，其間會有老師行埋黎同佢地傾計
第一位老師係外國人，佢同星星傾計，星星唔 show 佢 😓
咁老師問媽咪平時係屋企同星星用咩語言溝通
之後到第二位普通話老師，星星又唔出聲
到第三位廣東話老師，星星都係繼續唔出聲
但老師叫星星俾唔同顏色嘅啤啤老師，星星都有照做
又叫星星俾兩隻、三隻馬騮老師，星星又俾岩哂
過多陣老師忍唔住問媽咪星星平時係屋企係咪都唔講野 😓媽咪唯有話星星食咗藥唔係咁舒服
之後就圍圈聽英文老師講故事，係星星聽過好多次嘅「Dear Zoo」
老師會叫小朋友打開掀吓入面係咩動物，個個小朋友都好合作
之後同普通話老師唱歌，叫小朋友互相握手，唱完就送咗隻手指玩具
星星都已經攰到冇哂電，唔緊要啦，媽咪知你辛苦盡咗力喇 💋
No comments:
Post a Comment